संगत करो नी निर्मल
संत री म्हारी हेली,
संगत करो नी निर्मल
संत री म्हारी हेली,
आवागमन मिट जाये रे ,
जन्म मरण छुट जाये

चन्दन उगयो हरिये बाग में म्हारी हेली,
चन्दन उगयो हरिये बाग में म्हारी हेली,
खुशी भई रे वनराय,
खुशी भई रे वनराय,
आप सुगन्ध ओरो ने करे म्हारी हेली,
आप सुगन्ध ओरो ने करे म्हारी हेली,
सुगन्ध घणी अंग माय
सुगन्ध घणी अंग माय
संगत करो नी निर्मल
संत री म्हारी हेली…

बांस उगयो रे डर रे डुंगरे म्हारी हेली,
बांस उगयो रे डर रे डुंगरे म्हारी हेली,
थरक रही वनराय,
थरक रही वनराय,
आप बरे ओरो ने बारे म्हारी हेली,
कपट गांठ घट माय
कपट गांठ घट माय
संगत करो नी निर्मल…

लो लागी डावा डुंगरे म्हारी हेली,
लो लागी डावा डुंगरे म्हारी हेली,
मिल गई झाडो झाड,
मिल गई झाडो झाड,
ओर तो सब पंखैरूसब उङ गया म्हारी हेली,
ओर तो सब पंखैरूसब उङ गया म्हारी हेली,
हंस राज बैठा डाल
हंस राज बैठा डाल
संगत करो नी निर्मल
संत री म्हारी हेली…

चन्दन हंस सु मुख बोलीया म्हारी हेली,
चन्दन हंस सु मुख बोलीया म्हारी हेली,
थे क्यू जलो हंसराज,
थे क्यू जलो हंसराज,
मै तो जला बिना पांखया म्हारी हेली,
मै तो जला बिना पांखया म्हारी हेली,
जङा है पियाला रे माय
जङा है पियाला रे माय
संगत करो नी निर्मल
संत री म्हारी हेली…

फल खाया ने पान तोङीया म्हारी हेली,
फल खाया ने पान तोङीया म्हारी हेली,
रमीया डालो डाल,
रमीया डालो डाल,
थे तो जलो ने मै क्यू उबरा म्हारी हेली,
थे तो जलो ने मै क्यू उबरा म्हारी हेली,
जिवणो कितरा साल
जिवणो कितरा साल
संगत करो नी निर्मल
संत री म्हारी हेली…

चन्दन हंस रो प्रेम देख ने म्हारी हेली,
चन्दन हंस रो प्रेम देख ने म्हारी हेली,
दुधा बरसीयो मैह,
दुधा बरसीयो मैह,
कैवे कबीर सा धरमीदास ने म्हारी हेली,
कैवे कबीर सा धरमीदास ने म्हारी हेली,
नित नित नवला वेश
नित नित नवला वेश

संगत करो नी निर्मल
संत री म्हारी हेली,
संगत करो नी निर्मल
संत री म्हारी हेली,
आवागमन मिट जाये रे ,
जन्म मरण छुट जाये

Songs Credits
✺ Song: Sangat Karo Ni Nirmal Sant Ri Mari Heli
✺ Singer: Chotu Singh Rawna
✺ Lyrics: Traditional
✺ Music: Kailash jangid
✺ Music: key: Ajay Rajasthani
✺ Music: Label: PRS Rajasthani