त्रिलोकी को नाथ जाट के रह गयो हाली रे
कुण जाने आ माया श्याम थारी ,
अजब निराली रे,श्याम थारी लीला न्यारी रे,
त्रिलोकी को नाथ जाट के रह गयो हाली रे
त्रिलोकी को नाथ जाट के रह गयो हाली रे !

भूरी भैस चमकनो पाडो,दो गाडी दो नारा रे,
भूरी भैस चमकनो पाडो,दो गाडी दो नारा रे,
बिना बाड को बाडो जाट के,बांधे न्यारा न्यारा रे,
बिना बाड को खेत जाट के,बांधे न्यारा न्यारा रे,
चोर आवे जद चक्कर काटे,
चोर आवे जद चक्कर लगावे,देवे गाली रे,
श्याम थारी लीला न्यारी रे,
त्रिलोकी को नाथ जाट के रह गयो हाली रे !

सौ बीगा को खेत जाट के,राम भरोसे खेती रे,
सौ बीगा रो खेत जाट के,राम भरोसे खेती रे,
आधा में बोवे गेहूँ चणा,आधा मे धाना मेथी रे,
आधा में बोवे गेहूँ चणा,आधा मे धाना मेथी रे,
बिना बाड को जाट के,
बिना बाड को जाट के,राम रुखाली रे,
श्याम थारी लीला न्यारी रे,
त्रिलोकी को नाथ जाट के रह गयो हाली रे !

मोट बाजरी की रोटी पोवे,ऊपर घी को लचको रे,
मोट बाजरी की रोटी पोवे,ऊपर घी को लचको रे,
पालक की तरकारी रांदे,भर मूली रे बटको रे,
छाछ राबडी रो करे कलेवो,
छाछ राबडी रो करे कलेवो, भर भर थाली रे,
त्रिलोकी को नाथ जाट के रह गयो हाली रे !

जाट जाटनी निर्भय सोवे,सोवे छोरा छोरी रे,
जाट जाटनी निर्भय सोवे,सोवे छोरा छोरी रे,
श्याम धणी जाके पहरों देवे,किनविद होवे चोरी रे,
श्याम धणी जाके पहरों देवे,
किनविद होवे चोरी रे,चोर आवे जद ऊबो दिखे,
चोर आवे ऊबो दिखे,जावे खाली रे,
श्याम थारी लीला न्यारी रे,
त्रिलोकी को नाथ जाट के रह गयो हाली रे !
कुण जाने आ माया श्याम थारी ,
कुण जाने आ माया श्याम थारी ,
अजब निराली रे,श्याम थारी लीला न्यारी रे,
त्रिलोकी को नाथ जाट के रह गयो हाली रे
त्रिलोकी को नाथ जाट के रह गयो हाली रे !
त्रिलोकी को नाथ जाट के रह गयो हाली रे
त्रिलोकी को नाथ जाट के रह गयो हाली रे !

Songs Credits
𝅘𝅥𝅮 Song : Triloki Ko Nath
𝅘𝅥𝅮 Album : Shayam Bhajan
𝅘𝅥𝅮 Singer : Shankar Maheshwari
𝅘𝅥𝅮 Music : Dhwani Music Studio, Sujangadh
𝅘𝅥𝅮 Lyrics : Traditional
𝅘𝅥𝅮 Publisher : Tulsi Jaipal